हिँड मेरा दाई हो झम्पल बोकेर
हिँड मेरी दिदी हो डोको बोकेर
कोही काठपात बोक्ने कोही ईंट ओसार्ने
सबको हातले सबको साथले घर भत्काउने
(थोत्रे घरको ठाउँमा नयाँ बनाउने) - २
(यो झरीमा थोत्रे घर ढल्न बेर छैन
घरमा बस्ने हाम्रो ज्यान जान बेर छैन) - २
थोत्रे घर भत्काउन नयाँ जग बसाउन
जुक्ती जान्दो ज्यानले सक्दो सबले सघाउने
(जीवन रक्षा गर्न घर बनाउने) - २
हिँड मेरा दाई हो माटो मुछ्नलाई
हिँड मेरा दिदी हो ढुङ्गा बोक्नलाई
कोही माटो बोक्ने कोही गाह्रो लाउने
सबको हातले सबको साथले घर बनाउने
(हामी सबको निम्ति घर बनाउने) - २
(काम गर्दा कुनै हातमा चोट लाग्न सक्छ
श्रमदेखि डराएर कोही भाग्न सक्छ) - २
कोही विरोध गर्छन् कोही साथ दिन्छन्
ज्यानको बाजी लगाइकन पूरा गराउने
(हाम्रो आफ्नै निम्ति घर बनाउने) - २
