रमेश विवश बाजारा/कुमार गौतम
हेटौँडा असार-नेपालको बहुचर्चित स्थान मध्ये मकवानपुरको पदमपोखरी पनि नेपाली जनताको लागि अपरिचित क्षेत्र होइन । हरेक स्थानको आ-आफ्नो पृष्ठभूमी हुन्छन् जस अनुसार हेटौँडा नगरपालिकासँग सिमाना जोडिएको पदमपोखरी एक दशक पहिला चेलिबेटी बेचविखनमा नेपालकै बहुचर्चित क्षेत्रभित्र परेको थियो । समाजका असल नागरिकको पहलमा त्यस क्षेत्रलाई चेलिबेटी बेचविखन क्षेत्रबाट छुटकारा दिलाउन राष्ट्रिय स्तरमै ठूलै समय एवम् पहलकदमी चालेको यथार्थता प्रष्ट छ ।
अहिले पछिल्लो समयमा पदमपोखरी अवैध धन्दाको राजधानी बन्दैछ । लागु औषध सेवन गर्नेदेखि लागु औषध व्यापार गर्नेको ठूलो ग्याङ् छ पदमपोखरीमा । जिल्लामा ग्याङ् फाइट गरेर जिल्लाबासीमाझ आतङ्क फैलाउने कार्यमा मात्र नभई स्थानीय व्यापारीसँग हप्ता उठाउने कार्यमा पनि त्यस क्षेत्र अग्रपङक्तीमा रहँदै आएको छ । पदमपोखरीलाई अवैध धन्दाको अखडा बनाई कारोबार गर्नेहरु अधिकांशसँग चाइनिज पेस्तोल नलकटुवा बन्दुक रहेको जानकारीमा आएको छ । यहाँ अवैध हतियारहरुको प्रशस्त कारोबार हुन्छ । लागुऔषध ओसारपसारको मुख्य राजमार्ग नै मान्छन् पदमपोखरीलाई । स्थानीय जनता त्यहाँका चुल्ठेमुन्द्रे ग्याङस्टरहरुसँग त्राहित्राही भएर बाँच्न विवश छन् । दैनिकीजसो लुटपाटका घटना हुन्छन् । चोरी डकैतीको सिलसिला क्रमिक रुपले बढ्दो छ । स्थानीय बासिन्दाले ढुक्कको श्वास फेर्ने कहिले त मकवानपुर जिल्ला र जिल्ला बाहिर दिन प्रतिदिन मोटरसाइकल चोरी हुने प्रकि्रया बढ्दो छ । चोरी भएका अधिकांश मोटरसाईकल पदमपोखरी नै पुग्ने गरेको जानकारीमा आएको छ । मोटरसाईकल चोरीमा पदमपोखरीको नाम अग्रपङ्क्तीमा आउने गरेको छ ।
मकवानपुर जिल्लामा प्रशासनको पहुँच नपुगेको भन्न मिल्दैन । यहाँ जिल्ला इलाका वडा मात्र नभई बिकट भेगमा पनि प्रहरी चौकीहरु प्रशस्त छन् । तर प्रशासनले गर्ने कामप्रती सन्तुष्टी व्यक्त गर्नेहरु कमै पाइन्छ । पदमपोखरी र त्यस क्षेत्रभित्र फस्टाएको अवैध धन्दाको बारेमा पदमपोखरी प्रहरी चौकीका इाचार्ज हरिकुमार श्रेष्ठ भन्नुहुन्छ "पदमपोखरीमा लागु औषध सेवन र व्यापारको घटना अहिलेसम्म जानकारीमा आएको छैन ।" श्रेष्ठकै अनुसार पदमपोखरीमा कुनै त्यस्ता गैरकानूनी कि्रयाकलाप भएको छैन । तर यस कुरालाई जिल्लाबासी र त्यहाँका स्थानीय बासिन्दा मान्न तयार छैनन् । पदमपोखरीमा चोरीका मोटरसाइकल प्रशस्त भएको तर ति मोटरसाइकलहरुलाई नियन्त्रणमा लिने प्रयास नभएको कुरा श्रेष्ठ आफैँले स्वीकार्नु भयो ।
श्रेष्ठले भन्नुभयो "चोरीका बाइक छ्यापछ्याप्ती छन् तर तिनलाई कारवाही गर्न माथिबाट आदेश आएको छैन ।" वहाँले गुनासो गर्नुहुन्छ "राजनैतिक दवावका कारण पनि हामीले त्यस्ता अपराधीलाई कारवाही गर्न सकेका छैनौँ ।"
श्रेष्ठ भन्नु हुन्छ "पदमपोखरीमा कुनै त्यस्तो गैरकानूनी कार्य भएको छैन ।" तर स्थानीय बासिन्दा भन्छन् "त्यस्ता गैरकानूनी काम गर्ने समूहलाई प्रहरीले आश्रय दिएको छ । त्यसकारण कारवाही गर्न मान्दैन प्रहरी प्रशासन ।" खास कुरा के हो त यस्ता गैरकानूनी कार्यमा संलग्नहरुसँग प्रहरीको साँठगाँठ हो होइन भने यस्ता आपराधिक कार्य हुने अखडामा किन ध्यान जाँदैन प्रहरीको त्यहाँका प्रहरी जवान प्रायः क्यारेमबोर्ड खेल्नमै व्यस्त हुन्छन् । तर श्रेष्ठ भन्छन् "हामी जम्मा आठ जवान मात्र छन् । नियमित गस्ती गर्ने स्रोतको कमी छ ।"
प्रहरी चौकी आसपासमा गैरकानूनी रुपमा भित्रिएका अवैध हातहतियार प्रदर्शन गर्दै हिँड्छन् ग्याङ्स्टरहरु । जनताले देख्छन् तर प्रशासनले किन देख्दैन गाँजा चरेस नाइट्राभ्याट नाइट्रोसन फे_िन्सडाइल जस्ता लागु औषध मात्र नभई अति मूल्यवान ब्राउन सुगरको समेत सेवन एवम् कारोबार हुने गरेकोमा जनताको नजर पुग्छ तर प्रशासनको नजर किन पुग्दैन राष्ट्रिय स्तरकै मस्ट वान्टेड डनु हरुको भेला हुन्छन् तर प्रशासन कारवाही होइन संरक्षण दिन्छ आखिर किन के प्रशासन गुण्डाराजहरुको सेवक हो होइन भने कारवाही खोई सिमित व्यक्तिका कारण पदमपोखरी इतिहासमै बदनामीको शिकार भयो तर आफू सिमित रहेन । यसले पदमपोखरी मात्र नभई सम्पूर्ण मकवानपुरबासीलाई पनि उही बदनामीको संज्ञा नदेला भन्न सकिन्न । त्यसैले आफु र आफ्नो समाज निर्माणमा हामी सबै सहकार्य गरौँ ।
