फरक दृष्टी

नेपालको राजनीति वृत्तमा अत्याधिक चर्चा पाएको अक्षर : स

नेपाली राजनीति वृत्तमा आजकल देवानागरीको स अक्षरले एउटा तरङ्ग नै ल्याएको छ । बहुदलीय व्यवस्थामा जसले जसरी प्रयोग गरेपनि हुने जसरी विश्लेषण गरे पनि हुने अक्षर ुसु ले जनतालाई भने अन्योलमा पारेको छ । यति धेरै बजार पाएको स को अर्थ सहमति सरकार वा संविधान हो भन्ने कुराको चुरो फुकाउन निकै नै गाह्रो भएको छ जनतालाई । यो अक्षर जनतालाई घुमाउने कुनै तान्त्रिक मन्त्र पो हो की भन्ने लाग्न थालेको छ राजनीतिक दलहरु र त्यसका शीर्षनेताहरुका दिनहुँ जसो फेरिने अभिव्यक्तिले । देवानागरिको स अक्षर प्रतिको दलहरुको बुझाइमा वास्तविकता जनताप्रतिको धोका सिवाय केहि बन्न नसकेको आभास छ जनतालाई । दलहरुको इतिहास भुल्ने प्रवृत्ती र सत्ता मोहकै कारण दलहरुबाट बारम्बार बलात्कृत बनेको यो स अक्षरले जनतालाई कहिलेसम्म लठ्याइरहने हो त्यो भने हेर्न बाँकी नै छ । हुन त राजनीतिमा सबैभन्दा चर्चा पाएको स को मर्मलाई दलहरुले आत्मसाथ गर्नसके जारी गतिरोधको अन्त्य पनि स अक्षरनै हुने कुरा पनि नकार्न सकिन्न । यद्यपि दलहरुको लिँडेढिपि र जुङ्गाको लडाइका कारण सङकटमा परेको स माथि थप प्रहार हुने खतरा पनि उत्तिकै छ । जसले सिङ्गो मुलुक र मुलुकवासिको भविष्य समेत खाडलमा पार्दैछ ।

मुलुकमा धेरै खाले परिवर्तनहरु भए जसमध्ये पछिल्लो परिवर्तन माओवादीले सुरु गरेको १२ वर्षे शसस्त्र जनयुद्ध होस् वा १९ दिने ऐतिहासिक जनआन्दोलनको मुख्य उपलब्धि थियो संविधानसभा । संविधानसभाबाट जनताले अपेक्षा गरे अनुसारकै संविधान जारी हुने र मुलुकमा स्थिरता र दिगो शान्ति कायम हट्नेछ भन्ने जनताको तिब्र आशा संविधानसभाको दुई वर्ष समयावधि बिचमा बहुचर्चित स को अपब्याख्याकै कारण विश्वासमा परिणत हुन सकेन । फेरि अनेक अनर्थ भोगेको अक्षर ुसु ले संविधानसभाले मृत्युवरण गर्दै गर्दा फेरि एउटा ऐतिहासिक मौका पायो र मृत्युकै मुखमा पुगेको संविधानसभाले पुनर्जीवन पायो । तर यसरी फेरि अर्को पटक मध्यरातमा ठाऊँ पाएको स ले सूर्योदयसँगै अनेक लााछना बेहोर्न पुग्यो । तर अझै स अक्षरको खोल ओडेर हामी नेपाली जनतालाई झुक्याइ रहेका यी नेताहरुलाई अझै पनि यसरी खुल्ला छोडिदिने हो भने यो देशमा न त सहमतिको वातावरण नै बन्छ न त सरकार परिवर्तनको शिलशिला नै रोकिन्छ न त देश र जनताले नयाँ संविधान नै पाउँछन् ।

यही स अक्षरको अर्थले देशमा हरेक दिन असुरक्षा िहंसा लुटपाट अपहरण र धम्कीका घटनाले प्रश्रय पाइरहँदा समेत दलहरुलाई देशको बिग्रँदो अवस्था प्रति एक रत्ती चिन्ता छैन । देशका नेताहरु र जनताहरु स को अर्थ खोज्ने काममा व्यस्त भएको यस अवस्थामा यी अपराधिक कार्यले फस्टाउने एउटा राम्रो अवसर पाइरहेको छ । हरेक दिन देश झन् झन् दयनीय अवस्थातिर जाकिरहेको छ । देशलाई निकास दिने र नयाँ संविधान दिने नाउँमा देशलाई यी नेताहरुले दलदलको खाडलमा धकेलेका छन् ।

अझै पनि स को अर्थमा नै अल्झिरहने हो भने यो देशमा एउटा अर्को बिद्रोह हुने सम्भावनालाई पनि नकार्न सकिँदैन । यसरी सधैँ विद्रोहबाट के देशको अवस्थामा परिवर्तन आउँला अनि नेपाली जनता कसरी यो विश्व सामु आफूलाई नेपाली हुनुको गर्वका साथ प्रस्तुत गर्लान् त्यो भने अन्योलको नै विषय छ ।