करेन्ट सट हुँदा एक घाइते

जनवाद संवाददाता

हेटौँडा असार-नेपाल विद्युत प्राधिकरणको मुल गेट अगाडी रहेको तीन तले भरमा ६६ केभी प्रशारण लाईन सट हुँदा उक्त घरमा निर्माण सम्बन्धी काम गर्ने बारा पिपरा निवासी एक मजदुर गम्भिर घाइते भएका छन् ।

दिउँसो पानी परिरहेको समयमा नरेन्द्रबहादुर महर्जनको तीन तले घरको छतमा काम गरिरहेका मजदुरले उक्त घरको छतमा रहेको फलामको पाइपलाई एकातिर तह लगाएर राख्न खोज्दा उक्त पाइपले विरगाजतिर लगिएको ६६ केभीको प्रशारण लाइनको तारलाई छुँदा करेन्ट लागेको थियो । करेन्ट लागी सख्त घाइते भएका उक्त मजदुरलाई हेटौँडा अस्पतालले उपचारको लागि भरतपुर रिफर गरेको थियो । हाल घाइतेको भरतपुर अस्पतालमा उपचार भैरहे पनि उसको स्वास्थ्य अवस्था भने चिन्ताजनक नै रहेको अस्पताल स्रोतले जनाएको छ । पानी परेको समयमा रकेन्ट सट भएका कारण उक्त घरको अधिकांश विद्युतिय उपकरण जलेर नष्ट भएको छ भने करेन्ट सट हुँदा भयङ्कर ठूलो विष्फोटको आवाज आई उक्त घरको छतको ढलान लगाएत केही स्थानहरु चर्किएको छ । विद्युत प्राधिकरण अगाडी भएको यस घटनाको जिम्मेवार पक्ष को त विद्युत प्राधिकरण या घर मालिक या स्वयम् पिडित पक्ष ६६ केभी को विद्युत लाईन प्रवाह भएको तारदेखि उक्त घरको छतको दुरी जम्म डेढ मिटर मात्र छ । उक्त घर मालिकलाई ६६ केभी प्रशारण लाइनसँगै जोडेर घर निर्माण गर्न अनुमती कस्ले दियो उक्त घर मालिकलाई घटना घटेको एक हप्ता बितीसक्दा पनि उक्त घटनाको जिम्मेवारी कसले लिने भन्ने कुराको तथ्य जानकारी अझै बाहिर आएको छैन । उक्त घटनाको जिम्मेवार कसले लिने र घटनामा घाइते भएको मजदुरलाई क्षतीपूर्ती कसले दिने

घटनाको विषयलाई लिएर विद्युत् प्राधिकरणमा बुझ्न जाँदा प्राधिकरणका लेखाप्रमुखले ूप्रशारणलाइन प्रवाह भएको तारको २५ मिटर वरीपरी घर बनाउन प्रशासनले पनि रोक लगाएको छ । तर के गर्नु घर बनाउनेहरुले टेर्दैनन् ।ू प्राधिकरणका कर्मचारी हरुका अनुसार पहिलेदेखि नै प्रशारण लाइनको तार भएको वरपर घर बनाउन नपाउने सूचना जारी गरेर प्रशासनबाट नै अनुमतीमा रोक लगाएको कारण उक्त घटनाको दोषी प्राधिकरण नरहने बताएका छन् ।६६ केभी विद्युत प्रवाह भएको जोखिमपूर्ण र खतरनाक स्थानमा घर बनाउने घर मालिक उक्त स्थानमा घर बनाउनको लागि नक्सा पास गर्ने निकाय र उक्त स्थानमा घर बन्न लाग्दा पनि निर्माण कार्य रोक्न पहल नगरी मुक दर्शक बनेर बस्ने प्रशासन तथा स्वयम् विद्युत् प्राधिकरण यि चारै पक्ष पूर्ण रुपमा दोषी देखिएको छ यस घटना घट्नुमा ।

आगामी दिनहरुमा फेरी पनि यस्ता घटनाहरु घट्न नदिन सम्बन्धित सबै पक्ष सजग र सचेत हुनु अवाश्यक छ ।