सोलारको कारण गाउँ झलमल्ल

जनवाद संवादादाता

हेटौँडा-पश्चिम मकवानपुरको बिकट भार्ता गाविसका दुईवटा गाउँका ५१ घरपरिवारमा सौर्यउर्जा जडान गरिएको छ ।

जिल्ला विकास समिति तथा स्थानीय सामुदायिक वन समूहको संयुक्त लगानीमा भार्ता-७ रुपराङ र दुगराङ गाउँमा सौर्यउर्जा जडान गरिएको हो ।

जिल्लामै सबैभन्दा कम साक्षरता प्रतिशत रहेको भार्ता गाविसमा सौर्यउर्जा वितरण गरिएपछि बालबालिकाको पढाईमा सहयोग पुग्ने स्थानीय युवा महेश चेपाङले बताउनुभयो । भार्तामा अल्पसंख्यक चेपाङ र तामाङ जातिको बाहुल्यता रहेको छ । सौर्यउर्जा जडान गरेपछि रुपराङ र

दुगराङका बासिन्दाले ३ वटा सौर्य चीम रेडियो र क्यासेट जस्ता विद्युतीय उपकरण प्रयोग गरेको सौर्य उर्जा बिस्तार समितिका अध्यक्ष राम बहादुर थिङले बताउनुभयो ।

जिल्ला विकास समिति मकवानपुरले सौर्य उर्जा बिस्तार कार्यक्रमको लागि २ लाख ६० हजार आर्थिक सहयोग तथा स्थानीय सामुदायिक वनको २ लाख २९ हजार लगानीपछि सौर्य उर्जा जडान गरिएको गाउँ विकास समितिका सह लेखापाल टंकबहादुर मुक्तानले बताउनुभयो । अन्धकारमा बसेका बासिन्दाहरु सोलार जडान पछि खुशी भएका छन् ।