राहत शिक्षक आन्दोलनमा

जनवाद संवादादाता

हेटौँडा-राहत शिक्षक संघर्ष समिति मकवानपुरको आह्वानमा मकवानपुर जिल्लाका सम्पूर्ण राहत शिक्षकहरुले असार ३ र ४ गते गत कार्तिक ११ को सम्झौता कार्यान्वयनका दवावस्वरुप हातमा कालो पट्टी बाँधी विरोध जनाएका थिए । राहत संघर्ष समितिले असार ४ गते नै एभोकाडो होटल गई शिक्षा मन्त्रालयका सचिव क्षेत्रीय शिक्षा निर्देश जिल्ला शिक्षा अधिकारी लगायतका पदाधिकारीहरुसँग भेटी ज्ञापनपत्र समेत पेस गरेका छन् ।

यसै सन्दर्भमा उक्त समितिले असार ४ गते हेटौँडा क्याम्पसमा पेसागत हकहितसम्बन्धी विभिन्न शिक्षक पेसागत संघसङ्गठनहरुसँग अन्तरकि्रया सम्पन्न गर् यो । संघर्ष समितिका अध्यक्ष देवीराम लामाको सभाध्यक्षतामा सम्पन्न उक्त अन्तरकि्रया समितिका सचिव डी।पी।गौतमले गरेका थिए । समितिका सहसचिव हरि पौडेलले स्वागत मन्तव्य व्यक्त गरेका उक्त अन्तरकि्रयामा समितिका उपाध्यक्ष गोविन्द पोखरेलले अन्तरकि्रयाको औचित्यबारे प्रकाश पारेका उक्त कार्यक्रममा शिक्षक युनियन मकवानपुरका उपाध्यक्ष मुकुन्द न्यौपानेले राहत शिक्षक संघर्ष समिति र यसका आन्दोलनको औचित्य भएको बताएका थिए । यसैगरी नेपाल शिक्षक सङ्गठन का उपाध्यक्ष भवनाथ नेपाल नेपाल शिक्षक संघका सचिव मदन लामिछाने अखिल नेपाल शिक्षक सङ्गठनका अध्यक्ष तारानाथ खतिवडा लगायतकाहरुको उपस्थिति रहेको थियो ।

आन्दोलनको कार्यक्रम अन्तर्गत आज बिहान १०ः०० बजे जिल्ला शिक्षा कार्यालयमा अनिश्चितकालिन तालाबन्दी कार्यक्रम रहेको छ ।