मनिषा सम्राटसँग विवाह बन्धनमा

काठमाण्डौ, असार-शनिवार लामो समयको चर्चा परिचर्चा पछि वलिउड नायिका मनिषा कोइराला शनिबार

महाराजग~ाजका सम्राट दाहालसंग विवाह बन्धनमा बाँधिएकी छिन् ।

पाचेबाजा सहित गोकर्णस्थित फरेस्ट रिसोर्ट पुगेका नवदुलाहाले मनिषाको सिउँदोमा सिन्दुर हालेपछि हिन्दू परम्परा अनुसार दुबै जना विवाह बन्धनमा बाँधिएका हुन् । पारिवारिक पुरेत रामचन्द्र घिमिरेले उनीहरुबीच मंगलवाचन गरी परम्परागत वैवाहिक विधि सम्पन्न गरेका थिए । सम्राट सहितको टोली तीन सय जनाभन्दा बढी सम्मिलित जन्ती लिएर नवदुलही मनीषालाई लिन थली गाविसस्थित गोकर्ण फरेस्ट रिसोर्ट पुगेको थियो । नवदुलाहा र दुलहीलाई आशिर्वाद दिन वलिउडका कलाकारहरुसमेत आएका छन् भने मुलुकका धेरै राजनीतिक व्यक्तिहरुको समेत उपस्थिति थियो । मनिषा पहिलो जननिर्वाचित प्रधानमन्त्री वीपी कोइरालाकी नातिनी हुन् । ३९ बर्षिया कोइराला भारतीय फिल्मी उद्योग बलिउडमा प्रख्याती कमाएका नेपाली कलाकार हुन् । ३३ बषिर्य सम्राट भने व्यवसायी हुन् ।