चितवन, असार-विश्वमै दुर्लभ एक सिङ्गे गैंडाको खागसहित चितवनको मुग्लीन बजारबाट दुई जना महिला पक्राउ परेका छन् । पक्राउ पर्नेहरुमा मकवानपुर डाँडाखर्क गाविस-४ की ३८ वर्षीया पेमा लामा र ३५ वर्षीया अनिता तामाङ रहेको जिल्ला प्रहरी कार्यालय चितवनले जनाएको छ ।
दारेचोक गाविस-४ मुग्लीन बजारमा गएराति साढे १२ बजे पैदल हिँडिरहेको अवस्थामा उनीहरुलाई पक्राउ गरीएको हो । प्लाष्टीकको झोला भित्र कागजले बेरेको अवस्थामा तामाङको साथबाट खाग बरामद भएको हो । उनीहरुको थप अनुसन्धान भैरहेको प्रहरीले जनाएको छ ।
पछिल्लो समयमा चितवन राष्ट्रिय निकुाजमा गैंडाको चोरी शिकारी बढेपछि प्रहरीले चेकजाँचलाई तिब्रता दिएको छ ।
No comments:
Post a Comment