मकवानपुरमा सवारी दुर्घटना दुईको मृत्यु

जनवाद संवादादाता

हेटौँडा-पूर्वपश्चिम राजमार्ग अन्तर्गत हेटौँडा-११ थानाभर्याङमा मंगलबार विहान भएको सवारी दुर्घटनामा २ जनाको मृत्यु भएको छ । दुर्घटनामा २५ जना घाइते भएका छन् ।

काठमाण्डौंबाट बीरगाजका लागि छुटेको बा२ख २४७४ नम्बरको बस र सोही दिशातर्फ आईरहेको ना३ख ८६८९ नम्बरको टि्रपरमा ठक्कर खाँदा २ जना तराई मुलका पुरुषकॊ घटनास्थलमै मृत्यु भएको छ । मृतकको सनाखुत हुन नसकेको प्रहरीले जनाएको छ ।

गम्भिर घाइते बसका चालक मकवानपुर चुरियामाई-४ का २८ बर्षिय सिाजव थिङ बारा सिमरा-६ का १९ बर्षिय पुरुषोतम लम्साल गुणाह-७ का २० बर्षिय श्यामबाबु शाह भारत राँचीका ३० बर्षिय सुमरा यादवको भरतपुरमा उपचार भईरहेको जिल्ला प्रहरी कार्यालय मकवानपुरले जनाएको छ ।

अन्य घाइतेहरुको हेटौँडा अस्पतालमा उपचार भएको छ भने घटनामा संलग्न टि्रपर र चालकलाई बीरगंजबाट नियन्त्रणमा लिएको प्रहरीले जनाएको छ ।