सम्पादकिय

सन्चार क्षेत्रलाई राजनैतिक वन्दी नबनाइयोस्

हाम्रो देशको विगत र वर्तमान पत्रकारिताको इतिहासलाई हेर्दा पत्रकारहरुलाई उपयोग गरेर फाइदा लुट्नेमा सबैभन्दा बढी राजनैतिक दलका नेता र कार्यकर्ताहरु बढी पाइन्छ । राजनैतिक दलले आ-आफ्नो कर्तुतहरु लुकाउन आफु निकटको साचार क्षेत्रलाई उपयोग गर्ने गरेको कुरा समय-समयमा चर्चामा आइरहेको छ । साचारकर्मीको भाव दर्द र कला कौशलताको फाइदा लुट्दै नयाँ इतिहास लुट्ने दौरानमा कुनै पनि राजनीतिक दल अछुतो भने पक्कै छैन । के साचारकर्मी र स्वतन्त्र प्रेस कुनै न कुनै राजनीतिक दलको पेवा हो त होइन भने किन यहाँ पार्टी विशेष समाचारको प्रभाव पर्छ साचारकर्मी र साचार क्षेत्र भनेको सत्य तथ्य सूचनालाई हरेक ठाउँउमा स्वार्थ विहिन रही सम्प्रेषण गर्ने दायित्व हो । तर लाग्छ यहाँ पक्कै पनि त्यो हुन सकिरहेको छैन । राजनीतिक पार्टी विशेष र राजनैतिक व्यक्ति विशेषको परिधिमा रही समाचार सम्प्रेषण गर्दा समाजलाई सत्य तथ्य समाचार सम्प्रेषण नहुन सक्छ । साचारकर्मी भनेको वौद्धिक अभ्यासी हो । कुनै दलको कार्यकर्ता होइन न त कुनै व्यक्तिको पेवा पनि तर यहाँ त्यो हुँदैन । यहाँका प्रकाशन नेता र दलसँग नङ् र मासुको सम्बन्ध राख्छन् । यहाँ खराब नेताको गुणगान लेखिन्छ जय जकार लेखिन्छ तर ग्रामिण भेगका समाचारले स्थान पाउँदैन । हामी देश र जनताको भलो चाहने मान्छे कुनै दल र नेताको लंगौटी बनेर कलम चलाउने प्रकि्रयाको खुलेरै विरोध गर्छौं । हामी कुनै दल र नेता विशेष भन्दा समाज रुपान्तरणलाई बढी प्राथमिकता दिन्छौं भ्रष्टाचार रहित समाजको निर्माणमा सदा लेखिरहने छौँ । जनताको भाव मर्म र विचारले रचिएको नयाँ जनवाद निर्माणमा सदा कलम चलाइरहने छौँ । हामी इतिहास बदल्ने सोँच र संकल्पलाई सदा सम्मान गर्दछौं । कुनै राजनीतिक दल र दल विशेष नेताको राम्रालाई राम्रै र नराम्रालाई खेदो खन्नेछौँ भन्ने प्रतिवद्धता पनि जाहेर गर्दछौँ । प्रकाशनको दौरानमा हुने कुनै पनि वाधा व्यवधानलाई आत्मसाथ गर्दै सत्य तथ्य समाचार प्रकाशन गर्न एवम् सूचनाको पहुँच नपुगेका बस्तीमा सूचनाको दियो बाली निरन्तर पुगिरहन कुनै पनि संघर्ष हाम्रा लागि मान्य छ । अहिले साचार क्षेत्रलाई राजनैतिक एवम् दल विशेष नेताले आफ्नो वन्दी बनाइरहेको स्पष्ट हुन्छ । अतः जनवाद यि नेता एवम् राजनैतिक दलबाट टाढा रही समाजमा यथार्थ सूचना प्रवाह गर्न सबैलाई हातेमालो अभियानमा सहकार्य गर्न हार्दिक अनुरोध गर्दछु ।