१९ वैशाख काठमाडौं । रोजगारीका लागि दक्षिण कोरिया जानेहरुका लागि कोरियाली भाषा परीक्षाको आवेदन खुल्ला भएको छ ।
सोमबारदेखि वैशाख २२ गतेसम्म बिहान ९ देखि साँझ ६ बजेसम्म आवेदकहरुले फारम भर्न सक्नेछन् । काठमाडौं उपत्यकाबाट फारम भर्ने व्यक्तिले ग्लोबल बैंकमा २४ अमेरिकी डलर बुझाउनु पर्नेछ ।
फारम वितरणको लागि कीर्तिपुरमा रहेको ल्याबरोटरी माध्यमिक विद्यालय नेपाल वेद विद्याश्रम संस्कृत माध्यमिक विद्यालय वनकाली गौशाला र एन्फा टेक्निकल सेन्टर च्यासल बालकुमारीमा व्यवस्था मिलाइएको छ । उपत्यका बाहिर भने रुपन्देहीकॊ बुटवल प्रदर्शनी मण्डपमा फारम भर्ने व्यवस्था मिलाइएको श्रम तथा यातायात व्यवस्था मन्त्रालय वैदेशिक रोजगार विभागले जानकारी दिएको छ ।
रोजगारीका लागि दक्षिण कोरिया जानेहरुलाई लक्षित गरेर आवेद फारम खोलिएको यो तेस्रोपटक हो । गत वर्ष आवेदन फाराम सङ्कलनदेखि परीक्षा साचालनसम्मको सबै जिम्मा त्रिभुवन विश्वविद्यालयलाई दिइएको भएपनि यस वर्ष नेपाल सरकार आफैले लिएको छ ।
No comments:
Post a Comment