कोलकाताको कोठीमा सौतेनी बाबुद्वारा बेचिएकी तेह्र बर्षीया किशोरीको कथामा आधारित अंग्रेजी उपन्यासको फिल्म बन्ने भएको छ ।
अमेरिकी प्याट्रिसिया म्याक्कर्मिकद्वारा लिखित मार्मिक उपन्यास ुसोल्डु लाई ओस्कार विजेता जेपी ब्राउनले निर्देशन गर्न लागेका हुन् । उक्त फिल्मकी मुख्य पात्र लक्ष्मीको भूमिकालाई सुहाउने गैर व्यावसायिक कलाकारको खोजी भइरहेको छ । उक्त फिल्मको निर्माण ुवान्स इन अ ब्लु जस्ता हलिउड फिल्म बनाइसकेकी जेन चाल्सले गर्दैछिन् । ब्राउनले यसअघि एम्मी अवार्ड समेत हात पारेका छन् । एकदेखि दुई पेजसम्मका छोटो-छोटो कथामा बुनिएको सोल्ड क्विल अवार्ड २००७ क्यालिफोर्निया यङ रिडर मेडल २००७ जस्ता पुरस्कार पाउनुका साथै सन् २००७ कै नेसनल बुक अवार्ड फाइनलिस्ट भएको थियो ।
ुसोल्डु नेपाली संस्करण ुबेचिएकीु शीर्षकमा केही सातापछि बजारमा आउँदै छ । यसलाई नेपालका महिलाको क्षेत्रमा कार्यरत अमेरिकी महिलाको संस्था दिदी प्रोजेक्ट सिस्टस्र हेल्पिङ सिस्टस्र ले नेपालीमा अनुवाद गर्न लागेको हो ।
No comments:
Post a Comment