जनवाद संवाददाता
काठमाण्डौं, असार/नेकपा एमालेका अध्यक्ष झलनाथ खनालले मंगलबार एमाले बाहेकका दलका मन्त्रीहरुसँग छलफल गर्नुभएको छ ।
वर्तमान सरकार शान्ति र संविधान निर्माणमा असफल भएकोले राष्ट्रिय सहमतिको सरकार गठनको लागि बाटो खोल्नु पर्ने बताउँदै आउनु भएका खनालले मन्त्रीहरुसँग गरेको छलफललाई अर्थपूर्ण रुपमा लिइएको छ ।
अध्यक्ष खनालको निजी सचिबालयले भने तीन दलीय सम्झौता कार्यान्वयन र बजेट अधिवेशन लगायतका विषयमा मन्त्रीहरुसँग धारणा बुझिएको बताएको छ । खनाल निबास डल्लुमा भएको छलफलमा सरकारको कामकारबाही र राष्ट्रिय सहमतिको लागि खेल्नुपर्ने भूमिकाको विषयमा कुराकानी भएको बताइएको छ ।
हिजो नेकपा संयुक्तका अध्यक्ष चन्द्रदेव जोशीसँग छलफल गर्नुभएका अध्यक्ष खनालले आज उपप्रधानमन्त्री विजयकुमार गच्छदारका साथै नेपाली कांग्रेस तमलोपा माले लगायतका मन्त्रीहरुसँग छलफल गर्नुभएको हो ।
No comments:
Post a Comment