फरक दृष्टी

प्रधानमन्त्री माधवकुमार नेपाल सुरक्षित छन् त ?

प्रधानमन्त्री माधव नेपालकै सुरक्षामा खटिएका सुरक्षाकर्मीमाथि अपहरणको आरोप लागेको छ । नेपालका व्यक्तिगत सुरक्षाकर्मी मन बस्नेत र उनकी पत्नि कल्याणी िसंह माथि ज्ञानेश्वरका पवनराज जोशीले करिब पाँच घण्टा अपहरण गरेको आरोप लगाएका छन् । उनले आफूलाई बस्नेत दम्पतिले पहिले देखि धम्क्याउँदै आएको पनि दाबी गरे । आरोपी बस्नेतबाट अहिलेसम्म कुनै प्रतिकि्रया आएको छैन ।

यसरी प्रधानमन्त्रीको सबैभन्दा नजिक रहेर काम गर्ने सुरक्षाकर्मीमाथि नै यसरी आरोप लागेपछि माधव नेपालले पनि केहि बोल्नु पर्ने हो तर अहिले सम्म आफ्नो इच्छामा माखो पनि मार्न नसकेका माधव नेपालले कुनै एक्सन गरिहाल्छन् कि भनेर सोँच्नु आफैप्रति बेइमानी बाहेक त केहि होइन तैपनि देशकै प्रधानमन्त्री भएका नाताले सोध्न मन लाग्यो यसरी अपहरण काण्डमा मुछिएका सुरक्षाकर्मीबाट माधव नेपाल सुरक्षित छन् त हुनत यो देशमा माधव नेपाललाई माया गर्न कोही छैन । एकिकृत माओवादी किन माया गथ्र्यो उसले राजीनामा मात्रै होइन प्रत्येक शब्दमा हरुवा कठपुतली तथा नालायक भनेर टिप्पणी गर्ने गर्दछ । कांग्रेस आफूभित्र प्रधानमन्त्रीका विषयमा सहमति भएको भए घोक्रेठ्याक लगाइसक्थ्यो ।आफ्नो पार्टीका अध्यक्ष यो सरकारको औचित्य समाप्त भयो भन्दै हिँड्न थालिसके । अब मधेशीवादी दललाई सत्ता बाहेक अरु चिजको माया हुने कुरा भएन । सिमा पारीको पनि भर पर्न उचित नहोला । त्यसै यो देशमा उनलाई माया गर्ने हामी मात्रै भए पछि उनको सुरक्षाको विषयमा चिन्तित पनि हामी नभए को होला !!!