मकवानपुरका उदयीमान कलाकार ः अमिर गौतम

आमा चण्डिका गौतमको कोखबाट जेठ २६ गते गढी गा।वि।स। वडा नं। ७ मा जन्मिएका नयाँ पुस्तामा चिरपचिरत अमिर गौतम नेपाली संगित क्षेत्रमा मात्र नभई पछिल्लो समयमा ठूलो पर्दामा समेत देखिएका छन् ।

आमभाज्या¨मा रहेको श्री शारदा मा।वि।बाट माध्यमिक शिक्षा आर्जन गरेका अमिर त्यतिबेलाका भलिबलका चर्चित खेलाडी पनि हुन् । खेल जगतलाई नचाहँदा नचाहँदै पनि चटक्कै माया मारेर २०६० को दशकमा म्युजिक भिडियोमा प्रवेश गरेका अमिरले त्यसै समयमा नेपाली संगित क्षेत्रका हस्ती गायक दिपेशकिशोर भट्टराईको बाँच्छु तिम्रै लागि भन्ने गीतमा मोडलिङ्ग गरेर आफ्नो कलाकारितालाई रङ्गमन्चमा प्रवेश गराएका थिए । उक्त म्युजिक भिडियोले नेपाली युवा पुस्ताको मन जित्न सफल भएपछि अमिर एकाएक चर्चित बने । जीवनलाई नमेटिने बाटो बताउने अमिर कलाकारितामा प्रवेश गर्नुलाई सौख मान्नुहुन्छ । हँसिलो मुहार अग्ला कदका अमिरले हालसम्म दुई दर्जन हाराहारीको म्युजिक भिडियोमा आफ्नो अभिनय पस्किसकेका छन् भने अमिर गौतमले अभिनय गर्नुभएको ठूलो पर्दाको चलचित्र मिशन पैसा अपार सफलता पाएको छ । म्युजिक भिडियोबाट ठूलो पर्दाको चलचित्रमा लाग्नु भएको गौतम चलचित्रमा अभिनय गर्नु म्युजिक भिडियो भन्दा धेरै कठिन रहेको बताउनु हुन्छ ।

रङ्गमन्चमा नाम जमाइसकेका गौतम साथीहरुको सहयोग र प्रेरणाबाट यस क्षेत्रमा होमिएको बताउनु हुन्छ । नेपाली चलचित्र जगतमा देखिँदै आएको विकृतीलाई ठाडै अस्वीकार गर्ने गौतम छिट्टै सामाजिक चलचित्र निर्माण गर्ने सोँचमा रहेको बताउनुहुन्छ ।

अमिर गौतमको यो अभियानलाई ूजनवादू साप्ताहिक पत्रिकाको तर्फबाट पनि शुभकामना छ ।